東京的士：回憶里程

我會形容套戲是好精彩。首先，這副劇本，好為山田老師量身定做，可能只有他，才可以駕馭到。因為他有經歷同庶民感的描寫風格，才可以同這個劇本所匹配。咁當然山田老師也不負重望，依然可交出一副好有溫度、亮度、唯美的傑作，他可以好精準將法國原版，完美地改為日本版，一點也不有水土不服感，或者只有東京才可以有這份歷史才可襯到這個改編。的確，無論是木村或倍賞千惠子，演繹也是好精湛，這對哈爾CP再次合作，所產生的互動好生動，今次木村這樣脫下光環，演草根的司機無疑討好，他可既有日本的士司機這份端莊，又有山田老師最善長的庶民設計，這樣配合，的確令人眼前一亮，咁當然他今次只屬襯托，倍賞才是上把我會講，倍賞的演繹是好睇到難以想像，她演得好充分演繹出角色份量同深度，既有角色所散發出優雅，而又有富深度的情感處理，再加上同木村之交流互動，令整個角色好立體同深刻。 當然這套攝影也屬極品，好多位的攝影、調色、光，也是好唯美、目不暇給的暖色調飽和感，這樣好令我這類唯美控好心動。我會講，如果國寶是冷色調的唯美代表，這套便是暖色調的唯美代表。痴·影·夢·藝 X 的專頁 https://www.facebook.com/ckwunmovie/

一套以公路電影形式，藉的士司機同乘客吹水帶出一個女性辛酸故事。手法唔算新鮮，過往其他電影都有類似手法。本作女主角嘅回憶故事劇情亦唔算特別精彩，都係一般愛情/家庭問題，不過導演處理手法成熟流暢，攝影/鏡頭運用加埋懷舊味配樂，形造出一種懷舊又 relax 嘅旅程氛圍，令觀眾睇得舒服同投入。男女主角選角同演出亦ok，幾match。整體製作不俗，暖心多過催淚，可以入場。PS.• 主角其實係老太婆，木村係襯托• 木村其實係做咗一日出租男友包埋揸車 😅• 電影睇咗一半結局已經可以預期，老太婆心態係可以理解嘅• 我認為電影暖心多過催淚，不過亦有眼淺女觀眾睇到索下索下• 有人認為木村太靚仔唔似的哥，我不認同，靚仔就唔會去揸的士咩？我哋香港都有靚仔豬肉佬，我亦親眼見過街市有靚女賣魚，忍唔住啤多幾眼，當時身邊女性友人都話佢好靚 😅• 根據youtube片，呢套戲原來都係翻拍改編自一套法國電影，並非原創作品。

平淡得嚟有特色嘅電影，寫出嚟嘅故事都幾有趣，木村演落自然，睇得舒服！部的士係堅揸，無乜揸流攤，呢一點絕對值得加分！帶有少少感人位，恰到好處剛剛好，實屬值得一睇嘅電影！👍🏻

演員零秒入戲，做得好好！故事平凡但唔普通，遊完東京景點，都想去實地睇睇。值得入場

非常好睇、有溫度嘅電影，雖然睇完預告片、加上睇到木村一開頭為錢煩惱時，已經估到哂個結尾。但本人本身睇故事從來唔注重結尾而係重視講故事嘅過程，而《東京的士》講故事就非常好睇啦。雖然電影節奏偏慢，但兩位主角嘅人設飽滿、女主角嘅故事你話驚天動地又算不上，但完全體會到60年前係日本呢個咁父權嘅國家（而家嘅日本父權情況仍然嚴重）做女人嘅難處；木村做暖男角色駕輕就熟，佢本性咁演出已經非常有魅力。兩位初識至開始打開心扉嘅過程說服力十足，整個過程好似我另一套非常之鍾意嘅電影《解憂計情車》。係咪搭的士嘅電影特別好睇？不過《東京的士》比起《解憂計情車》嘅空間感大啲，無咁多限制於的士內。相比起黎《東京的士》嘅對白較小，但好睇程度不相伯仲，短短幾句亦快速代入到男女主角忘年之交嘅氣氛入面；加上電影講故事技巧、對白、鏡頭、冷暖色對比配合得好好，令到結尾最煽情嘅位我都睇得好感動。真係好鍾意呢種無驚天動地劇情、但又溫暖人心嘅電影，日本代表有《新活日常》同呢套《東京的車》；上面講嘅《解憂計情車》都好睇！

#東京的士 回憶里程 #TokyoTaxi大家好，我是 Wild Wildy！今天想和大家聊聊這部充滿人情味和詩意的旅遊特輯電影 —— 《東京的士：回憶里程》(Tokyo Taxi)。這部戲由日本名導演 山田洋次 執導（他之前的《淘氣阿米子》在日本獲獎無數），編劇亦是由他和朝原雄三共同。改編自2022法國電影《巴黎計程車》：倍賞千惠子 (Chieko Baisho)：日本國寶級影后，代表作包括山田洋次的《男人真命苦》系列，以及為宮崎駿《哈爾移動城堡》的蘇菲配音。木村拓哉 (Takuya Kimura)：家喻戶曉的巨星，從《悠長假期》到《律政英雄》，這次他收起光芒飾演一位平凡的的士司機。蒼井優 (Yu Aoi)：飾演年輕版的女主角，她是《花與愛麗絲》、《扶桑花女孩》的文藝女神。IMDb 評分：7.1/ 10Rotten Tomatoes： 未有宛如東京往橫濱的旅遊雜誌：這部電影對我而言，簡直是一本活動的旅遊指南。鏡頭記錄著的士駛過柴又、葉山、湘南海岸的風景，眼見雷門、日本鐵塔、街頭小巷美景... 果然是香港人嘅故鄉。那種日系調色與構圖，讓我立刻回想起一年前的東京之旅，視覺、回憶雙重享受。美景映襯下，命運顯得渺小：在如此優美的大自然與街景之下，反而更顯出戲中老太太那種「苦命感」與人類的渺小。最動人的是，儘管人生充滿苦難，但在這段漫長的旅程中，司機與乘客互相倚靠，那種溫度不是靠煽情對白，而是透過畫面細膩地交代。人與人之間的連結——《破地獄》的另一種體會：看完這部戲，我腦海中浮現出《破地獄》結尾的那種反思。其實人生未必需要驚天大逆轉，正如戲中帶出的訊息：何不試著和身邊的「乘客」聊聊天？由最初的冷淡到最後的互相理解，這種「一期一會」的緣分非常溫暖。畫面說故事比《破地獄》結尾更優勝。倍賞千惠子的神級演技：高齡 84 歲的老人家，她的眼神與微表情都充滿故事，完美演活了一個帶著遺憾與秘密、步向人生終點的女性。我們豈不也是如此排著隊... 轉眼間我們自己都老了... 而木村正好對應她的兒子年齡，有意思。回憶片段處理豐富：比起同類型的《忘憂計程車》或其他純對話的公路戲，本作加插了不少回憶片段（還有蒼井優演出！），場景轉換頻繁，層次感比單純靠對話的作品豐富得多。結局稍微在預料之中：雖然最後的真相確實感人，但對於看慣公路電影的觀眾來說，結局的走向其實大致能猜到，驚喜感稍微弱了一點。但小品劇情反轉位其實不重要了。同理，我們沒可能期望其他片種的激情動作吧~ 但這套竟然有床戲~ 意想不到呢~有人可能彈敘事節奏偏向緩慢：但我OK，對比早半個鐘看完的All you need is kill。這套我零睡意!!!總結：雖然結局多少在預計之內，但離開戲院那一刻，我心中帶著一種唏噓與嘆息，同時又感到一絲人間有情的暖意。這是一部值得細細回味的小品。