陽光女子合唱團

2.8⭐電影台灣大收，滿有期望入場，點知原來只係一套典型又老套嘅C9電影， 不外如是，有失望嘅！。首先，電影係改编自韓國電影，所以一定會扣創意分。第二，整部電影嘅氛圍都唔似監獄，似女子寄宿學校成班女人柴娃娃鬥氣多啲：- 囚犯唔似囚犯，個個都重留長髮，有髮型，有染髮，有化粧，打扮得重靚過監獄外面啲女性。而女囚犯絕大部分時間都係無所事事喺度遊下遊下吹水- 獄警唔似獄警，同啲犯 friend 埋一堆，又係姊妹嚟既，一家親咁，似照顧啲犯多過監管啲犯- 監獄唔似監獄，監倉內生活用品/雜物多到似家居，應有盡有，啲犯隨時大把用具可以自S或械鬥都得。唔知台灣啲監獄係咪真係咁寬鬆、咁舒適？以上都比我一個感覺為製造一個虛假嘅温暖、温情戲劇環境，欠缺監獄嘅質感，啲囚犯喺入面似乎生活都幾豐足，幾愉快，不比外面差，有點兒戲。第三，攪笑部分真係不敢恭維，都帶點土味同Leung味，尤其今時今日仍然重玩肥婆跳唱作笑料 (trailer 作重點宣傳），真係過時啦，睇到都覺得尷尬！成套戲嘅笑位我都笑唔出。可能台灣觀眾仍然好受落。第四就係我最唔欣賞嘅洒狗血。臨尾持續十幾分鐘嘅大頭喪喊 + 播歌，以慘情畫面唧觀衆眼淚，低手！(令我唸起我好唔 like 嘅水狗皇后🤣)總結觀後感係一套典型比C9、姊妹或視覺系觀眾睇嘅老套、簡單又直白嘅温情/慘情片。睇得戲多對電影有要求(例如創新、表達技巧、手法等等)嘅觀眾入場與否自行決定。電影唯一嘅亮點係罕有嘅翁倩玉。PS.• 除咗原作韓版，其實2003年香港都有上映過一套類似題材嘅西片"鐵窗劇團" (Sing Sing), 果套好睇好多，係一套正劇，编、導、演、製作都更為出色，冇刻意賣慘賣笑唧人眼淚，但仍能令觀眾從內心裡感動。有興趣可參考小弟當時影評，或搵返呢套戲睇。• 電影宣傳叫人帶幾包紙巾，不過我睇果場又唔覺有人喊到九彩• 咁嘅水平電影都可以破票房紀錄，台灣觀眾品味原來僅此而矣...唉！🙄

劇本寫得好，執行上與及演員們嘅演技都幾完美，好牽動到人心！播映期間都多觀眾飲泣，非常催淚嘅電影！收尾眾絲打團結守護女主角個女…寫得幾好，夠warm！值得入場支持！👍🏻

本來已知係催淚，但真係無諗過喊唔停！劇本寫得超好！超細緻，感動！另外，本身要入獄原因，係唔應該，但唔代表無理由地被欺凌

節奏算OK不過劇情冇乜特別反而監獄風雲好睇好多

太多廉价催泪弹了，你能想到的所有的虐点预制菜一个没落，加入大量慢镜头和催泪bgm端上来就问你怎么还不哭。前半段我以为在看成年版美高校园片（霸凌和励志元素都有，堪比有霸凌情节版本的perfect pitch），后半段我的天……我知道这个虐点很廉价，甚至完全能猜到结局，但还是在哭，边哭边翻白眼觉得这我也哭？产生了一种荒谬的好笑，它就像换了编剧团队后的Arcane第二季第六集最后十分钟的生搬硬造催泪剧情给你播了二十遍，一切结束后擦擦眼泪带着强烈的无语走出了影院。其实导演可以直接往影厅里催泪瓦斯的，何必呢。看的时候很难不好奇台湾监狱的环境为什么会这么好，可以留这么长的头发，监室像稍显拥挤了一点但仍然很温馨的救助机构房间，更不用说可以在监狱里养小婴儿……但是可能台湾的监狱权利就是这么好？看到后面心想算了都这样了不深究了。

相比起早年《同囚》去突顯監獄中的不人道對待，或者我哋更加需要看見改變如何可能發生，而唔係繼續去合理化監獄所出現種種制度暴力。有時我哋並唔係唔理解「更新人士都有好人」，而係我哋都深受成個社會氣氛影響，令到我哋甘願成為沉默的大多數，甚至加害的一方。然而，當我哋見到戲入邊嘅公眾人士會熱情地支持更新人士嘅合唱團，同樣都會為我哋增添勇氣站在他們的一方。至少從呢班溫暖嘅女性當中，我學會愛人嘅能力，即使一切都已經無法回頭，我哋仍然能愛。