殺死你

得嗰95分鐘片長以為係爛片，點知有驚喜喎！電影集血腥、cult、動作、黑色於一身。有世界觀，有故事，有劇情，而且流暢明快冇拖拉。最 impressive 係攝影、畫面構思、動作場口設計，再配以合襯歌曲，令電影表達充滿 style，視覺效果不俗，什有漫畫風格。當然，噴血唔駛本就梗㗎啦！整體係具水準嘅血腥動作 cult 片，好此道者可以一看！PS.• 臨尾豬頭 boss 設定唔錯，玩得幾癫幾過癮• 睇時令我唸起 Kill Bill• 唔少構思都玩得幾好• 片唔一定要好長，95分鐘玩得好都可以充滿娛樂性，好過悶我120分鐘或以上，重要因片長加價• 呢套 III 級認證叫似返啲樣

獵人果然用獵物的姿態自來這個陷阱，廢話不多講趕到入酒店做清潔姐姐第一晚就有不妥，殺極都死不去的黑色幽默。噁心反殺與冷血搞笑肢間來回，無雙式駁火跟主動揮刀好解氣！跟同期另一套三級一樣都是困獸鬥。以為只能算是串流小品被劏，反而挺為適合成班朋友一齊戲院裏笑死。　　 見到追殺的人自提首級就發現他們不簡單，但是這個不死身的設定似乎削弱緊張感。古怪地方就全用神鬼之説就解釋了頗懶，總之永生代價就是一命換N命。開場跟之後風格大異，可惜無多加利用。無端也有個伸出援手的黑人老公作為伏線，不知其理由慘死為好人，百年婚姻當然要做善事。　　 血腥濺踏令人舒解。照明之餘，女主角一場手持燃燒斧頭襲去成群住客極為衝擊。密集而又奮身的真功夫去到出走廊之前都已經好帶動情緒！眼球碌來碌去及女住客視角之外，在密道間爬來爬去超似平面版Minecraft。雖然一座大樓，但各種房間豐富，全層深度交流層唯只有一秒鏡頭略會可惜，有錢就是最大罪行！打戲穩定無晃動，狹窄逼砌毫不隱晦～反派越痛，觀眾就爽到叫出來！　　 運鏡調度好有風格，快速變焦稍為引導聚焦重點。視覺上明顯上一層，作為導演處女作可惜兼顧不到聽覺。後期重配對白(ADR) 頗明顯，而且配樂相較失色，每次一有動作戲必攝一首不太順耳的流行曲。雖然概念上都熟口熟面，但這個導演呈現出來卻有種小新鮮。豬形魔王的BOSS戰亦都趕住收工，豈料一下就變乳豬。但凡有契約不一定是壞事，漏洞反噬是常見橋段。

QT確實影響咗唔少編導人才，出現咗唔少有趣電影，跟從QT味道。幾年前有《Bad Times at the El Royale/賊眉賊眼大酒店》，舊年有《Strange Darling/怪殺一夜情》 ⋯⋯今年就嚟一齣《They will kill you/殺死你》！《殺死你》女主角Zazie Beetz，係有一種充滿《kill bill》式嘅殺手氣牆，俄仔導演Kirill Sokolov只係借嗰精神同力量去發展自己嘅故事。使用混合完素，困獸鬥亦設計出唔少好玩空間，片長只係94分鐘，極恰當！同期有一個非常巧合嘅係《Ready or not 2》，都係困獸鬥砍殺，同姐妹情嘅故事，兩齣電係黑／白女人主s，展現girls power！QT最正係片𥚃面嘅歌同音樂，唔係獨門，不過係嗰種加分唔係好多人跟到！

好耐冇睇過啲咁爽嘅血殺片，98分鐘由頭刺激到尾，五花八門的行刑好似睇緊 Kill Bill，無疑是致敬！

殺人情節好爽十分血腥但劇情一般 冇咩特別

如標提示簡單的序幕 交代人物之後直接進入主題 殺殺殺一位打不死的主角一群無限復活的教徒一位弱智的魔鬼撒旦？一條直線發展的故事線夾雜零碎的回憶剩下的 就是充滿全個畫面的血漿務求令觀眾 睇得過癮 殺得爽。完