電競女孩

#電競女孩 #gamergirls今日同大家聊聊 2026 年另一部本地電競作品 —— 《電競女孩》(Gamer Girls)。呢套戲得到 電影發展基金 支持，由本地新晉導演執導，主演陣容有我個人好鍾意嘅 袁澧林 (Angela Yuen)（代表作：《窄路微塵》），仲有一班新女團成員。講起電競，難免會被大家攞嚟同早前套《觸電》(Spark) 比較，畢竟《觸電》飲咗頭啖湯，呢套《電競女孩》壓力唔細。同期套套好戲: Hamnet，Rental Family… 真係生不逢時... IMDb: 5.3 / 10 (目前投票人數未夠 20 人，參考價值有限)Rotten Tomatoes: N/A (本地作品暫未有評分)Wildy Score: 6 / 10 (支持本地製作加咗分)影評觀點：先讚後彈📍 全女班的細膩感情與張力首先一定要講，我真係好鍾意袁澧林(文青女神、浸大女神)。我若是”窄哥”，一定私有化佢兩母女。今次佢喺戲入面嗰種倔強得嚟又有層次嘅演出，撐起成套戲。電影好大膽咁採用全女班電競隊做主題，呢點我係buy嘅。因為全女班，可以寫到更多女孩對女孩之間嗰種微妙嘅妒忌、勾心鬥角。比起全男班粗線條熱血，或男女混合... 全不是那回事。呢套戲描寫女仔之間嘅「宮廷鬥爭」確實係有佢獨特嘅味道。VS但可惜「宮廷鬥爭」只屬TVB層面未入心，感人位也自然欠奉📍 角色張力的「180度消失」講到彈嘅地方，我覺得最奇怪係啲角色張力位。好多時鋪排咗好耐嘅衝突，竟然一句說話就 180 度迎刃而解？無論係母女之間嘅深仇大恨，定係同隊隊員之間嘅死結，好似只要講句對唔住或者一個擁抱就搞掂咗。咁樣寫法真係浪費咗之前辛苦營造出嚟嘅張力位，令到劇情有啲虎頭蛇尾。追夢嘅壓力同挑戰，呢啲(文本功套戲都做足晒。 VS 可惜要在這個題材有突破，單追夢不夠照。因為太多本土電影只玩情懷或追夢... 太膩了📍 瑣碎的爭拗與留白過度雖然我讚佢全女班寫得細膩，但有時啲女仔之間嘅「宮廷鬥爭」真係令到我幾心煩。啲爭拗太過瑣碎，去唔到《觸電》嗰種可以牽涉埋老夫老妻、歲月無情等更高層次嘅課題。仲有結尾個留白……會唔會太白咗啲？雖然留白可以畀空間觀眾想像，但呢套戲個結尾畀我感覺係未拍完多過藝術留白，令我睇完有啲「吓？完咗喇？」嘅感覺。最驚喜係加入咗一個大奸角角色，帶出咗現實無奈; 商業世界運作嘅難處，入面嗰個「大反轉」位係全片最大賣點，增加電影真實感。VS於我這是最吸引我之處，但不夠支撑高潮位。反制、復仇也不入肉，又削減了劇力。畫面後製同特效算係奪目，電競比賽嘅介面做得幾有未來感，視覺上唔會覺得廉價。VS📍 動作指導的缺憾對比《觸電》，呢套戲嘅「武打」或動作指導真係差太遠。明明係電競對戰，但動作編排顯得生硬單調，大大降低咗對戰時嗰種應該有嘅緊張感同逼力，好可惜。📍 支持本地電影的意義作為影評人，我絕對支持大家入場睇呢類本地作品。總結： 《電競女孩》是一部充滿誠意但技術上有明顯短板的作品。如果你是袁澧林的粉絲，或者是電競愛好者，這部戲還是值得入場支持一下本地製作。但如果你期待的是那種扣人心弦、動作流暢的競技大片，可能就要降低一下心理預期。對我來說，6 分算是給這份支持本地電影的一份鼓勵分。支持本地作品入場，本地電影發展基金 被《觸電》飲了頭啖湯，難免有比較 現在只在未夠20人投票，分數5.3; 我可6讚與彈：喜歡袁澧林；一班女孩對女孩之間的妒忌勾心鬥角，因著全女班會有更多的描寫吧；vs但反而有時女孩之間宮廷鬥爭的爭拗感覺令我有點心煩。亦去不到《觸電》再牽涉多一點老夫老妻歲月無情等其他課題一些角色張力會突 180度迎刃而解，這是我覺最為奇怪的。無論母女情仇一句說話就搞掂; 同隊爭拗亦如是，就浪費了一些角色張力位。基本追夢的壓力與挑戰也有。這是基本。加了一個大奸角角色，和現實商業世界運作的難處和大反轉位，這是最大賣點。vs但結尾的留白會否太白...?畫面後製算奪目 Vs但武打、對戰武術動作指導差太遠了... 以致大大降低對戰時的緊張感和逼力。可惜

導演把電競主題拍得易懂亦貼近人心，角色立體鮮活，視覺效果ㄧ流，值得入場支持。

個人覺得套戲不俗。我會講，套戲雖然在故事劇本角色塑造描寫方面有沙石，但作為導演首套片來講，這些沙石是合理範圍內。比較之前同類型的觸電，這套所走的方向有點不同，而出來也不太差。明顯他今次設定明顯是LOL向，而套戲中也有簡略去講介，這點個人是喜歡，同時他用電競X港式茶餐廳這個概念，的確有新意，而導演去運用這個題材的處理也屬不俗。GC處理運用方面，個人覺得，這套整體是不俗，他們好懂利用中環的街景作設計大方向，這點是有新意，所以他同這套同觸電，各自其賣點，而他在造型色調場景塑造，也可以設計得自身其特色。咁當然角色演繹方面，無論五個女角或CY，他們的演繹均屬可以。痴·影·夢·藝 X 的專頁 https://www.facebook.com/ckwunmovie/

3.2⭐睇得出製作成本/資源好有限，縱使有好多唸頭/創意都未必能夠實現。電影故事算完整，但劇情就非常公式、簡單同直線，角色描寫同劇情欠缺細腻描寫同深度。演員卡士只靠袁澧林一人支撐，其他演員睇得出係新手，演出較生硬，演員陣容整體的而且確係欠咗啲吸引力。不過有限資源下不能要求太高，團隊下次繼續努力，期望更出色作品。PS.• 若資源不足，還是拍一啲現實小品題材較適合，並且放多啲心機喺故事、劇情同人物嘅描寫

故事很簡單，就是一群女孩重拾電競夢，不過亦有意想不到的情節，故事氛園起落很大像過山車一樣，結尾也處理的很好，讓我全程投入。硬件方面，電競特效以小本來說算是華麗，加上美女如雲，實在是賞心悅目。4.8/5 （95分）

畫面確實一絕，中環扶手電梯終點一帶街頭模擬遊戲世界頗有新鮮感。可能資金受制，反而可以落手落腳無人比意見而有效呈現 。滾軸溜冰開始脱節，各囡衝突一攬就合比較倒扣。中後期的對抗遊戲公司跟趙小姐照出那種叛逆質感，而最加分的是主題曲出現的時機恰到好處，可惜故事與扣題上多致命點。　　袁澧林與教練感情線不夠login，現實上遊戲裏他的滑板車有種尷尬反差萌。跟少甜她的不和轉眼就解決，攬一攬萬事簡言之。「自己banned自己」一段跟女主角有種共鳴，由一直在門口望住到肯落場去再玩都算有鋪排。兩次穿過虎道門，公司的轆口與茶餐廳的鐵閘都有新的覺醒。遊戲中的瘋癲高攻連環炮擊輸出加分。　　卓韻芝來演反派趙小姐，紅色背景宣稱支持行業的偽君子，當刻憶起《創戰記》的主控程序。一路看還估可能到最後她是一條鯰魚原來真的是純看錢銀的資本代表而已。正如戲中教練望住支持香港運動員標語的巴士駛過。去到絕境後自搞比賽開始有點奇怪，反而有趙小姐先至重回初心。對比現實戲中滾軸蹓冰場被政府告完倒閉，綠色外賣公司也退出香港市場。客人帳戶被遊戲公司封鎖，女主角在眾人面前主動刪除靈魂型爆。　　伍詠詩戲中也是笑點神助攻，幾句對白都好惹笑。少甜茶餐廳媽咪，真的不懂，好似誤為戰敗的阿女高興，還有拜神求錯望她們打爆機。而貓仔塞翁失馬，無了帳戶反而收到電競學園的來信深造。郭爾君好有港女格，其他孤注一擲的團員都各有不想人知的爭執。關係突切突變可能顧上就顧不了下。