爆血新婚夜2：豪門遊戲

沿用第一集條橋，女主角又被逼參加捕獵廝殺遊戲，繼續血腥 cult 同人體爆炸，與一衆蠢才互片，但宏觀故事背景世界觀大咗，進一步揭開勢力背景，同時加入姊妹情，一齊廝殺，設計不算新鮮，但多一個靚女睇亦唔錯。第2集仍能貼緊主題: 爆血 + 新婚。電影整體中規中舉，血腥程度一般，一看無妨。PS.• 睇個結尾，似乎可以繼續第三集，不過要加多啲元素，唔可以繼續單調咁獵殺• 兩女主角都幾靚• 而家啲三級認證真係比得輕易

電影情節尚有情理，奉撒旦為神，手段可以血腥無上線，幾段爆頭幾解壓。女角幾吸引，夠喪夠爛打。多些血肉橫飛、挑戰人類痛楚極限的鏡頭更吸引。

這個遊戲緊接住大屋困獸鬥上集，就算無看過也無包袱，因為害女主角一家都違約自爆，新集就是全新的散人。阿妹輸出實質不多，最強還是落在女主角自己救自己。成頸血真係好爽，最妙應該要數到婚禮開始亦用婚禮結束。好好笑殺到全家都無命，因為是突發情況所以大家都無準備而臨陣上場，反而降級的敵人搞出不少笑話。幸災樂禍的情況更添趣味，由朝到第二朝終於可以抽根煙。　　洗衣機一場最治癒，兩姐妹的鬥嘴都不難解決最後亦。各個獵人所代表的家族都各有特色，就算記不住也無所謂畢竟都死，先後都有各終結。規則說明完就等被打破，誤傷友軍而自招傷亡實在要大力刺一刺！權力誘弒，拒絕名利就解脫重獲自己，這個指戒暗喻都算首尾呼應。幾位不同國籍的都是來送人頭，有時太過放水有武器都無用。打911報警完全攔截都前後各有看點，不斷你玩人對方也反轉來禮尚往來。　　惡魔契約就更加補足，再加一個專門律師來處理簽名事宜。不過比起第一集單純求生，續集就開頭用頗長篇幅講解。放棄話事來推老婆去死，命仔緊要過錢銀，當然簽過約那有真的寫個名就可解約。靠着另類食人才能富足的家族最後都定必自入大坑。上海大媽話找到規則漏洞最意外亦都幾諷刺，導致之後女主角「善用」如此破绽是個幾好的反轉。血染新娘造型尚算標誌性，確實遇到難關也不要放棄仍用反殺之可能！完場記得望望緊急聯絡人設定，可能有事起來有些幫助吧～

基本上都係睇兩位女主角，蟻俠個女+ 翻版Margot Robbie，顏值可以話係一流，但演技就三流。劇情就四、五流，血腥？ OK啦，少cult，但又唔夠暴力誇張，不過不失。劇情就預咗低能，應該走又唔走、應該殺又唔殺，不斷拖拖拉拉，個個行為動機奇怪怪，一玩呢啲殺戮遊戲就蠢幾倍，總括嚟講呢套戲唔睇冇損失，冇嘢做可以入場睇吓女。

《爆血新婚夜2：豪門遊戲》同第一集相隔七年，故事上係無逢相接。Samara Weaving上一集由全白婚紗，去到尾變成血紅婚紗，今集索性着返腥紅色婚紗；由上一集雖然有人幫忙過，但主要係單打獨鬥，今集係歡喜冤家odd couple式拍住個妹，殺出重圍！佢到尾就梗係唔死得，故仔大概都估到晒，砍殺式爽片加上小小笑位，可以話係冇跌watt！Samara Weaving個樣，靚得嚟有少少衰格，係有佢嘅賣點！

個人覺得好睇過第一集劇情合理殺人情節都好正2個女主角都好靚女